MERI CHAHAT

Mai kya chahti hu ?
Bas apne pairo pe chalna
Mai kya chahti hu ?
Bas MAA ki chhaw me palna.

Maa tum bhi to yahi chahti ho,
Jab me koi halchal nahi krti,
To tum bhi to ghabra jaati ho,
Mere naye naye khel tumko kitna lubhate he,
Kitna madhur ehsas he ye,
Ye beete pal fir wapas laut k nahi aate he,
MAA fir kyu duniya ki chinta krna,
Mai kya chahti hu ?
Khuli hawa me udna.

Meri har ek saans tujhse judi he,
Meri dhadkan ki ek-ek kadi tu hi he
Tere andar kitni surakshit hu me,
Tujh jesi hi teri chhaya-rati hu me,
Chahe apne ho ya paraye,
Fir in logo se kyu darna,
Mai kya chahti hu ?
Bas thoda sa hansna.

Aaj fir se tum gayi thi aspatal,
Doctor se janne apna haal,
Mere man me uthte he kayi sawaal,
Kya tum samajh na payi unki chaal?
Wo bun rahe hai apne shadyantra ka jaal,
MAA ab kya mujhe padega marna?
Mai kya chahti hu ?
Teri aankho ka taara banna.

Tu chinta mat kar ma ladungi tere liye,
Tujhe laungi is duniya me or jiyungi tere liye,
Koi lakh koshish kar le mai kisi ki ek na maanungi,
Is bar chup nahi baithungi mai apni awaaz taanungi,
Mai bhi to chahti hu teri parwarish karna.
Mai kya chahti hu ?
MAA teri lori sunna.
http://www.smritiupdates.com
By Swati Negi